Bhimalapuram.co.in
అన్నమాచార్య కీర్తనలు -14891
హరి సేవొకటే యనంతము
రాగము: భవుళి
హరి సేవొకటే యనంతము | |
గురుబోధలకును కొలఁదే లేదు | ॥పల్లవి॥ |
తలఁచిన కొలఁదే తనలో భావము | |
నిలిపిన కొలఁదే నేమము | |
పలికిన కొలఁదే పరమగు సత్యము | |
యిల నెవ్వరికిని యెక్కుడు లేదు | ॥హరి॥ |
జరిపిన కొలఁదే సకలాచారము | |
నెరపిన కొలఁదే నిజకీర్తి | |
తిరము సేయుకొలఁదే ధర్మంబును | |
యిరవుగ నందుకు నెక్కుడు లేదు | ॥హరి॥ |
సేసినకొలఁదే చేకొను కర్మము | |
రోసిన కొలఁదే రుచివిరతి | |
ఆసల శ్రీవేంకటాధిపు శరణను | |
దాసుడే యెక్కుడు తప్పే లేదు | ॥హరి॥ |
కీర్తన విభాగము ఆంగ్లము తెలుగు తెలుగులిపిలేదు