Bhimalapuram.co.in
అన్నమాచార్య కీర్తనలు -3241

ఈతఁడు తారక బ్రహ్మమితఁడు మాదేవుఁడు

రాగము: సాళంగనాట

ఈతఁడు తారక బ్రహ్మమితఁడు మాదేవుఁడు
కౌతుకానఁ జెప్పే వినఁగదరే వో జనులు	॥పల్లవి॥
రాముఁడు యిందీవరశ్యాముఁడు నానాసార్వ-
భౌముఁడు షోడశకళాసోముఁడు
దోమటిరాక్షసులను తుత్తుమురు సేసినాఁడు
కామితఫలములిచ్చి కాచినాఁడు సురల	॥ఈతఁ॥
పూర్ణుఁడు నీలమేఘవర్ణుఁడు దానమున వి-
స్తీర్ణుఁడు వాహనసువర్ణుఁడు
అర్ణవము దాఁటి రావణాదుల గెలిచినాఁడు
నిర్ణయించి చెప్పరాదు నేఁడీతని మహిమ	॥ఈతఁ॥
వరుఁడు సీతకు పరాత్పరుఁడు కోదండదీక్షా-
గురుఁడు దివ్యామోఘశరుఁ డితఁడు
నిరతి శ్రీవేంకటాద్రి నెలవై యుండేటివాఁడు
సరి భరతలక్షణశత్రుఘ్న సహితుఁడు	॥ఈతఁ॥

కీర్తన విభాగము ఆంగ్లము తెలుగు తెలుగులిపిలేదు