Bhimalapuram.co.in
అన్నమాచార్య కీర్తనలు -3289
ఈ యీ యీ యీ యీ యీ
రాగము: గుజ్జరి
ఈ యీ యీ యీ యీ యీ | |
యీ యీ యీరీతి నా గుణము నాయందే తగిలెను | ॥పల్లవి॥ |
మనస్సుననే నినుఁ దలఁచి మాటలఁ గొసరుదును వొక్కొకపరి | |
వినయముతో నీకు వేవేలు మొక్కులు మొక్కుదును వొక్కొకపరి | |
ఘనంబగు భక్తిని బయలుకౌఁగిట నలముదును వొక్కొకపరి | |
తనియక వేడుకతోను దైవమా నినుఁ బొగడుదును | ॥ఈయీ॥ |
జగత్తున నే నిను వెదకి సారెకు నవ్వుదును వొక్కొకపరి | |
పగటున నీ నామములు పాడుచుఁ జెలఁగుదును | |
తగులుచు నినుఁ బూజించి తగఁ బ్రియమునఁ జొక్కుదును వొక్కొకపరి | |
నిగమములను నిన్ను విని నీరజనాభా వెఱగందుదును | ॥ఈయీ॥ |
అంతట నీ మహిమ గని అటు నీ దాస్యమె కొరుదును వొక్కొకపరి | |
చెంతల నీ దాసులఁ జూచి సేవ సేసి నిను నడుగుదును వొక్కొకపరి | |
అంతరంగము శ్రీవేంకటేశ అలమేల్మంగతోఁ బొడచూపితివి | |
సంతసమున నే నీ పాదములకు శరణుచొచ్చి నేబ్రదికితిని | ॥ఈయీ॥ |
కీర్తన విభాగము ఆంగ్లము తెలుగు తెలుగులిపిలేదు