Bhimalapuram.co.in
అన్నమాచార్య కీర్తనలు -3291
ఈయఁగదవే వీడెమిప్పుడే నీ విభునికి
రాగము: కాంబోది
ఈయఁగదవే వీడెమిప్పుడే నీ విభునికి | |
మీ యిచ్చలే గుఱిగాక మేమెల్లా గుఱే(ఱా?) | ॥పల్లవి॥ |
మొదలనాపెకు నీకు మోహమే గుఱిగాక | |
మదమునఁ జిమ్మి రేఁగే మంకులు గుఱా | |
పొదిగొన్న లోలోని భోగములే గుఱిగాక | |
పెదవులమీఁదటి బీరాలు గుఱా | ॥ఈయ॥ |
ననుపున మీలోని నవ్వులే గుఱిగాక | |
వొనరఁ బెట్టుకొనిన వొట్లు గుఱా | |
కనుచూపులఁ జూచిన కాంక్షలే గుఱిగాక | |
కినిసిన బొమ్మల జంకెనలు గుఱా | ॥ఈయ॥ |
కూడిన కాఁగిటిలోని కూటములే గుఱిగాక | |
పాడితోడ నొండొరుల పంతాలు గుఱా | |
యీడై శ్రీవేంకటేశుకిటు నీవే గుఱిగాక | |
వోడక మేనిపై రేకలుంటేనే గుఱా | ॥ఈయ॥ |
కీర్తన విభాగము ఆంగ్లము తెలుగు తెలుగులిపిలేదు