Bhimalapuram.co.in
అన్నమాచార్య కీర్తనలు -3310
ఈ విశ్వాసంబు యెవ్వరికిఁ దోఁప దిది
రాగము: శ్రీరాగం
ఈ విశ్వాసంబు యెవ్వరికిఁ దోఁప దిది | |
పావనుల హృదయమునఁ బ్రభవించుఁగాని | ॥పల్లవి॥ |
ఇమ్మయినపాపంబు లెన్నివలసినఁ బ్రాణి | |
సమ్మతంబున జేయఁ జాలుఁగా కేమి | |
కుమ్మరికి నొకయేఁడు గుదియ కొకనాఁడవును | |
నమ్మితలఁ చినవిష్ణునామంబుచేత | ॥ఈవి॥ |
కొదలేనిదురితములు కొండలునుఁ గోట్లును | |
చెదర కెప్పుడుఁ బ్రాణి చేయుగా కేమి | |
పొదరి గొరియలలోన పులిచొచ్చినట్లౌను | |
హృదయంబు హరిమీఁద నుండినంతటను | ॥ఈవి॥ |
సరిలేని దుష్కర్మసంఘములు రాసులై | |
పెరుగఁ జేయుచు ప్రాణి పెంచుఁగాకేమి? | |
బెరసి కొండలమీఁదఁ బిడుగువడ్డట్లౌను | |
తిరువేంకటాచలాధిపునిఁ దలఁచినను | ॥ఈవి॥ |
కీర్తన విభాగము ఆంగ్లము తెలుగు తెలుగులిపిలేదు