Bhimalapuram.co.in
అన్నమాచార్య కీర్తనలు -3315
ఈ సుర లీ మును లీ చరాచరములు
రాగము: నాదరామక్రియ
ఈ సుర లీ మును లీ చరాచరములు | |
యీ సకలమంతయు నిది యెవ్వరు | ॥పల్లవి॥ |
ఎన్నిక నామము లిటు నీవైయుండఁగ | |
యిన్నినామముల వారిది యెవ్వరు | |
వున్నచోటనే నీవు వుండుచుండఁగ మరి | |
యిన్నిటాఁ దిరుగు వారిది యెవ్వరు | ॥ఈ సురలీ॥ |
వొక్కరూపై నీవు వుండుచుండఁగ మరి | |
తక్కిన యీరూపములు తా మెవ్వరు | |
యిక్కడనక్కడ నీవు యిటు ఆత్మలలోనుండ | |
మక్కువ నుండువారు మరి యెవ్వరు | ॥ఈ సురలీ॥ |
శ్రీవేంకటాద్రిపై చెలఁగి నీవుండఁగా | |
దైవంబులనువారు తా మెవ్వరు | |
కావలిసినచోట కలిగి నీ వుండఁగ | |
యీవిశ్వపరిపూర్ణు లిది యెవ్వరు | ॥ఈ సురలీ॥ |
కీర్తన విభాగము ఆంగ్లము తెలుగు తెలుగులిపిలేదు