Bhimalapuram.co.in
అన్నమాచార్య కీర్తనలు -3343
ఉన్న వారిలోన నీవూ నొకతె వింతే
రాగము: సింధురామక్రియ
ఉన్న వారిలోన నీవూ నొకతె వింతే | |
మన్ననలు గలిగితే మాఁటలు నీ కేఁటికే | ॥పల్లవి॥ |
చేరి తమరమణుఁడు చెప్పినట్టు సేసేవారు | |
ఆరసి వెంగేలు వేరే ఆడవచ్చేరా | |
ఆరీతి నాతఁడే తమఅంకెలకు రాకుండితే | |
దూరుదురు మీరుదురు తుచ్చము నీ కేఁటికే | ॥ఉన్న॥ |
తక్కక తమపతుల దక్కఁ గొని నట్టివారు | |
తెక్కులను నమ్మక సాదించ వచ్చేరా | |
వొక్కట్టె వారె తమ వొడఁబాటుకు రాకున్న | |
చిక్కింతురు చొక్కింతురు చెనక నీ కేఁటికే | ॥ఉన్న॥ |
మచ్చిక తమవిభుని మరిగించినట్టివారు | |
నిచ్చలు నెన్నఁడై నా నేర మెంచేరా | |
యిచ్చల శ్రీవేంకటేశుఁ డెనసి నన్నిదె మీరె | |
మెచ్చింతురు హెచ్చింతురు మేకు లిఁక నేఁటికే | ॥ఉన్న॥ |
కీర్తన విభాగము ఆంగ్లము తెలుగు తెలుగులిపిలేదు