Bhimalapuram.co.in
అన్నమాచార్య కీర్తనలు -3344
ఉన్నవారిఁ దడవేనా వూరకె నేను
రాగము: వరాళి
ఉన్నవారిఁ దడవేనా వూరకె నేను | |
పన్ని యిట్టె తలపోసి భావించుకోవయ్యా | ॥పల్లవి॥ |
నీ యింతిపైఁ గోపించుట నీమీఁది వల పది | |
ఆయెడ వారిఁ దిట్టుట అది నీనుతి | |
చేయెత్తి సేసినచేఁత చెక్కులు నీకు నొక్కుట | |
పాయపు విభుఁడ ఇట్టె భావించుకోవయ్యా | ॥ఉన్న॥ |
వెంగెము నీసతి నాడుట వేడుక నీమీఁదిది | |
కంగి యాపె కలుగుట కైకొంట నిన్ను | |
కొంగువట్టి తీసుటెల్లా కూరుములే కొసరుట | |
పంగెన గా దిపు డిట్టె భావించుకోవయ్యా | ॥ఉన్న॥ |
సారె నీకాంత దూరుట సమ్మతి నిన్నుఁ జేసుట | |
వారిఁ దప్పకచూచుట వాడికె నీది | |
యీరీతి శ్రీ వేంకటేశ ఇటు నన్నుఁ గూడితివి | |
భారము వేసుటగాదు భావించుకోవయ్యా | ॥ఉన్న॥ |
కీర్తన విభాగము ఆంగ్లము తెలుగు తెలుగులిపిలేదు