Bhimalapuram.co.in
అన్నమాచార్య కీర్తనలు -3487
ఊరకే నోరు మూసుక వుండలేము చూచిచూచి
రాగము: రామక్రియ
ఊరకే నోరు మూసుక వుండలేము చూచిచూచి | |
చేరి నేము చెప్పినట్లు సేయవయ్య నీవు | ॥పల్లవి॥ |
పాయకురమణి గాన పంతానకే పెనఁగీని | |
చేయివట్టి తీసినా చేరఁగరాదు | |
ఆయము సోఁకినమాట ఆడితే నేకేమాయ | |
వోయయ్య నీ కోపమున కోపమయ్య నేము | ॥ఊర॥ |
సిగ్గువడేసతిగాన శిర సట్టె వంచీని | |
వొగ్గి పేరఁ బిలిచిన నూరకున్నది | |
దగ్గరి నీవు పైకొంటే తగవు నీకేమీ దప్పు | |
వెగ్గళించేరాజసము వెఱతుమయ్యా | ॥ఊర॥ |
కాఁగినరమణిగాన కడు బడలియున్నది | |
ఆఁగి నేమేమిచెప్పినా నడ్డమాడదు | |
దాఁగక శ్రీ వేంకటేశ తరుణిఁ గూడితి నీవే | |
యేఁగుఁబెండ్లి ఆయ నేఁడు యిమ్మకొంటివయ్యా | ॥ఊర॥ |
కీర్తన విభాగము ఆంగ్లము తెలుగు తెలుగులిపిలేదు