Bhimalapuram.co.in
అన్నమాచార్య కీర్తనలు -3501
ఊరకే లోనౌదువా వుడిబడి వారికెల్ల
రాగము: ఆహిరినాట
ఊరకే లోనౌదువా వుడిబడి వారికెల్ల | |
మేరమీరి యాపెనే మెచ్చవలెనయ్యా | ॥పల్లవి॥ |
మెల్లనిమాటలాడి మెలుఁత నిన్ను భ్రమించె | |
చల్లనినవ్వులు నవ్వి సాదించెను | |
మొల్లలతురుము చూపి సుదతి నిన్నుఁ జొక్కించె | |
చెల్లునయ్యాఆపె మేమిసేసినాను నిన్నును | ॥ఊర॥ |
సోయగపుచూపు చూచి సుదతి నిన్నుఁ జొక్కించె | |
ఆయాలు చన్నులనొత్తి అసరేఁచెను | |
పాయపుమదము చిమ్మి భావమెల్లాఁ గరఁగించె | |
నోయంతవాని నాపె నేర్చునయ్యా పొందను | ॥ఊర॥ |
వేవేలు చేఁతలు చేసి వెలఁది నిన్ను మొప్పించె | |
చేవదేరే రతులను చిక్కించెను | |
యీవేళ శ్రీవేంకటేశ యిటు నన్నుఁ గూడితివి | |
ఆవేళ కాపె రాజు అవునయ్య నీకును | ॥ఊర॥ |
కీర్తన విభాగము ఆంగ్లము తెలుగు తెలుగులిపిలేదు