Bhimalapuram.co.in
అన్నమాచార్య కీర్తనలు -3619
ఎగ్గుపట్టరాదు మరి యెరిఁగిన జాణఁడవు
రాగము: శంకరాభరణం
ఎగ్గుపట్టరాదు మరి యెరిఁగిన జాణఁడవు | |
సిగ్గరిది నీ దేవులు చిత్తగించవయ్యా | ॥పల్లవి॥ |
కాంతలకు నొయ్యారపుగర్వమే బంగారము | |
వింతలైన మాటలవెంగేలు చవి | |
సంతోసపుఁజూపులసళుపులే మోహనము | |
మంతనాననుండి చల్లేమచ్చికలే యింపులు | ॥ఎగ్గు॥ |
తగుఁ బయ్యెదచన్నులదాఁపరాలే తరితీపు | |
మొగములో చిరునవ్వు మొలకే ఆస | |
సొగసైన కరములసోఁకులే ఆనందాలు | |
పగటు బొమ్మజంకెలే భావజునిసిరులు | ॥ఎగ్గు॥ |
సందడిచెనకులు సంసారఫలములు | |
కందువమోవిసన్నలు కడుఁ బండుగ | |
అందపు శ్రీవెంకటేశ అలమేల్ మంగకు నీకు | |
మందెమేళాలు రతులమర్మపు ముచ్చటలు | ॥ఎగ్గు॥ |
కీర్తన విభాగము ఆంగ్లము తెలుగు తెలుగులిపిలేదు