Bhimalapuram.co.in
అన్నమాచార్య కీర్తనలు -3740
ఎట్టు గడించుకొంటివే ఇవి చక్కఁదనమంటా
రాగము: శంకరాభరణం
ఎట్టు గడించుకొంటివే ఇవి చక్కఁదనమంటా | |
చుట్టములు గావే అవే సూడిబంట్లు | ॥పల్లవి॥ |
తామెరలవంటివేమో తరుణి నీకన్నులు ఆ- | |
తామెరలే మరునికి తగ బాణాలు | |
సోముని వంటిదే నీసొఁపైన మొగము ఆ- | |
సోముఁ డాతనిఁ గలసి జోడౌతెఱఁగవా | ॥॥ |
జక్కవల బోలినవి తి నీకుచములు ఆ- | |
జక్కవలే మరునికిఁ జనవరులు | |
మిక్కిలితేంట్లఁ బోలె మేలిమి నీకురులు | |
పక్కన నాతని కవి బంట్లౌతెఱగవా | ॥॥ |
చిగురుఁ బోలినదె చెలియ నీమేను ఆ- | |
చిగురేపో మరునికిఁ జేకత్తులు | |
నగుతా శ్రీవేంకటాద్రినాయకునిఁ గూడితివే | |
తగ నీతఁడే యాతనితండ్రౌ తెఱఁగవా | ॥॥ |
కీర్తన విభాగము ఆంగ్లము తెలుగు తెలుగులిపిలేదు