Bhimalapuram.co.in
అన్నమాచార్య కీర్తనలు -3813
ఎట్టుసేసిన నీచేఁత కెప్పుడు లోనే నేము
రాగము: వరాళి
ఎట్టుసేసిన నీచేఁత కెప్పుడు లోనే నేము | |
బట్టబయలీఁదనేల భాగ్యము నీచేతిది | ॥పల్లవి॥ |
చెలువుఁడవు నీ వేమి చెప్పిన వినేముగాక | |
చలమరితనమేల సాదించనేల | |
వలచినవారము వద్దనే వుండేముగాక | |
అలిగి పండుండనేల అవుఁగాదననేల | ॥ఎట్టు॥ |
యేలినవాఁడవు నీయిచ్చ మెలంగేముగాక | |
జోలిమాట లాడనేల సొలయనేల | |
నీలోని వారము నిండుకవుండేముగాక | |
జాలి నీకు రేఁచనేల జంకించనేల | ॥ఎట్టు॥ |
శ్రీవేంకటేశ్వరుఁడవు చేకొని మొక్కేముగాక | |
పూవుల వేయఁగనేల పొనుంగనేల | |
యీవేళ నలమేల్ మంగ నిటు నీకాఁగిటిదాన | |
వేవేలుగాఁ గూడితివి వేసరించనేల | ॥ఎట్టు॥ |
కీర్తన విభాగము ఆంగ్లము తెలుగు తెలుగులిపిలేదు