Bhimalapuram.co.in
అన్నమాచార్య కీర్తనలు -3999
ఎన్నేసి విద్యలు నేర్చె నీ రమణి
రాగము: తెలుఁగుఁగాంబోది
ఎన్నేసి విద్యలు నేర్చె నీ రమణి | |
చెన్నుమీరె నిన్నిటాను చిత్తగించవయ్యా | ॥పల్లవి॥ |
వనితచెమటలనె వానలు గురిసీ నదె | |
నినునవ్వులనె వెన్నెలగాసీని | |
పనులుసేసేవూర్పుల పయ్యరగాలి విసరి | |
చెనకీ నీదేవులు చిత్తగించవయ్యా | ॥ఎన్నో॥ |
విరహపువేడుక వేసఁగియెండలు గాసీ | |
సొరిఁది సిగ్గులనే మంచులు గప్పీని | |
వరుస మోవితేనెల వసంతకాలము చూపీ | |
సిరుల నీవేడుకలు చిత్తగించవయ్యా | ॥ఎన్నో॥ |
కందువచూపులనే కడుమెఱుఁగులు చల్లీ | |
అందపురతులనే వియ్యము లందీని | |
యిందుకె శ్రీవేంకటేశ యేలితి వీకెను నేఁడు | |
చిందీ నదె తరితీపు చిత్తగించవయ్యా | ॥ఎన్నో॥ |
కీర్తన విభాగము ఆంగ్లము తెలుగు తెలుగులిపిలేదు