Bhimalapuram.co.in
అన్నమాచార్య కీర్తనలు -4004
ఎన్నఁగలుగు భూతకోటినెల్లఁ జేసినట్టి చేఁత
రాగము: సామంతం
ఎన్నఁగలుగు భూతకోటినెల్లఁ జేసినట్టి చేఁత | |
నిన్నుఁ జేసుకొనుట గాక నీకుఁ దొలఁగవచ్చునా | ॥పల్లవి॥ |
గుట్టుచెరిచి లోకమెల్ల ఘోరసంసారమందు | |
కట్టివేసినట్టి పాపకర్మ మేల తీరును | |
పట్టితెచ్చి నిన్ను రోలఁగట్టివేసి లోకమెఱఁగ | |
రట్టుసేసుఁగాక నిన్ను రాజనన్న విడుచునా | ॥ఎన్న॥ |
మిఱ్ఱుపల్లములకుఁ దెచ్చి మెరసి భూతజాలములకుఁ | |
దొఱ్ఱపెసలు గొలచినట్టి దోసమేల పాయును | |
అఱ్ఱుసాఁచి గోపసతుల నలమి వెంటవెంటఁదిరుగ | |
వెఱ్ఱిఁ జేయుఁగాక నీవు విభుఁడనన్న విడుచునా | ॥ఎన్న॥ |
పరులఇంటి కేఁగి పరులపరుల వేఁడఁజేసినట్టి - | |
యెరుకమాలినట్టి చేఁత లేల నిన్ను విడుచును | |
వెరపుమిగిలి వేంకటాద్రివిభుఁడ ననుచు జనులచేత- | |
నరులుగొనఁగఁ జేయుఁగాక ఆస నిన్ను విడుచునా | ॥ఎన్న॥ |
కీర్తన విభాగము ఆంగ్లము తెలుగు తెలుగులిపిలేదు