Bhimalapuram.co.in
అన్నమాచార్య కీర్తనలు -4161
ఎఱగని యాఁటదాని నెంత సేసేవు
రాగము: హిందోళం
ఎఱగని యాఁటదాని నెంత సేసేవు | |
వెఱగయ్యీ మాకు నీ విధములు చూచి | ॥పల్లవి॥ |
మట్టుమీఱ నవ్వునవ్వి మానముపైఁ జేయి వేసి | |
ఱట్టులు సేసేవుగా మెఱయ నింతిని | |
దిట్టమాటలాడి మోవితేనెల చవులు చూపి | |
యెట్టు బ్రమయించేవు యింతలో నీవు | ॥॥ |
సారె సారె గోరనూఁది జవ్వనము పెడరేఁచి | |
అరితేరి నవ్వేవుగా అంగనను | |
నేరుపులు వచరించి నెట్టుకొని కొంగువట్టి | |
యీరీతినేల పఱచే విదివో నీవు | ॥॥ |
చన్నులంట గాఁగిలించి సరసములాడి యాడి | |
యెన్నిరతులఁ గూడేవు యీకన్నె నీవు | |
నన్ను శ్రీవేంకటేశుఁడ నమ్మించి యేలితివి | |
మన్నించి యెంత మెచ్చేవు మమ్మునిట్టే నీవు | ॥॥ |
కీర్తన విభాగము ఆంగ్లము తెలుగు తెలుగులిపిలేదు