Bhimalapuram.co.in
అన్నమాచార్య కీర్తనలు -4229
ఎఱఁగమా నీగుణాలు ఇందరిలోన
రాగము: బౌళి
ఎఱఁగమా నీగుణాలు ఇందరిలోన | |
మఱవక మమ్ము నిట్టె మన్నించవయ్యా | ॥పల్లవి॥ |
మంతనాన మాపుదాఁకా మాటలాడి తనియవు | |
యెంతలేదు నీయాసోద మేమి చెప్పేది | |
చెంతల గోర గీరినా సిగ్గులువడవు నీవు | |
ఇంతటి నీవాసిపట్టు యెంచఁగ నేమున్నది | ॥ఎఱఁ॥ |
ననుపున నాతోను నవ్వు నవ్వి వేసారవు | |
పనిపూనినబిరుదుబంట వౌదువు | |
చెనకి యెంత దూరినా శిరసు వంచుకొనవు | |
పనుపడ నీపంతాలు పచారించనేఁటికి | ॥ఎఱఁ॥ |
కడఁగి నన్నుఁ గూడి కాఁగిటిలో నలయవు | |
యెడయక నీనేర్పు లెట్టు మెచ్చేది | |
కడుఁబెనఁగినాను లోఁగవు శ్రీవేంకటేశ్వర | |
బడిబడి నీపొందు పాయ దెన్నటికి | ॥ఎఱఁ॥ |
కీర్తన విభాగము ఆంగ్లము తెలుగు తెలుగులిపిలేదు