Bhimalapuram.co.in
అన్నమాచార్య కీర్తనలు -4499
ఎంతకెంత విచారములేమున్నవి
రాగము: హిజ్జిజ్జి
ఎంతకెంత విచారములేమున్నవి | |
పొంతల నేము చేసిన పుణ్యమిదిగాక | ॥పల్లవి॥ |
మరిగినదాన నే మాటల దూరితిఁ గాక | |
దొరవు కోపములు నీతోఁ జెల్లునా | |
తెరమరుఁగింతె నీవు తెలియనిదేమున్నది | |
పొరసి నేము సేసిన పుణ్యమిదిగాక | ॥ఎంత॥ |
పాయపుదాననై పదరి అంటితిఁ గాక | |
చాయకాఁడవు నీతో సలిగెల నా | |
నాయములెంచి చూచితే నాకు నీకు భేదమేది | |
పోయినరాత్రి సేసిన పుణ్యమిది గాక | ॥ఎంత॥ |
మనసులోదాననై మర్మములు రేఁచితిఁగాక | |
చెనకి నీమేను పచ్చిసేయఁదగునా | |
ఘనుఁడ శ్రీ వెంకటేశ కలసితిమిద్దరము | |
పొనుఁగక నేఁజేసిన పుణ్యమిదిగాక | ॥ఎంత॥ |
కీర్తన విభాగము ఆంగ్లము తెలుగు తెలుగులిపిలేదు