Bhimalapuram.co.in
అన్నమాచార్య కీర్తనలు -4568
ఎంతటిది నీ యాసోద మేమి చెప్పేది
రాగము: దేశాక్షి
ఎంతటిది నీ యాసోద మేమి చెప్పేది | |
వింతలుగా నవ్వేవు వెలఁదులతోడను | ॥పల్లవి॥ |
రాచిలుకపలుకుల రవళితోడి కొమ్మ | |
వూచినతంగేడువంటి పుత్తడిబొమ్మ | |
యేచి నీవురముమీఁద నిట్లానే వుండఁగాను | |
చాఁచేవు చేతులప్పటి జవరాండ్లమీఁదను | ॥ఎంతటి॥ |
కదలుఁజూపుల తేఁటిగతి కన్నుల కలికి | |
పొదలిన రతిరాజు పూవుములికి | |
మెదలుచు నేపొద్దు నీమెడదఁడై వుండఁగాను | |
గుదిగొన నంటేవు గొల్లెతల చన్నులు | ॥ఎంతటి॥ |
కారుమెఱుఁగులవంటి కళల చంద్రవదన | |
గారాపు సింగారాల పంకజసదన | |
యీరీతి శ్రీవేంకటేశ యీ నీకాఁగిటఁ గూడఁగా | |
చేరి యేలేవు మావంటి చెలుల నందరిని | ॥ఎంతటి॥ |
కీర్తన విభాగము ఆంగ్లము తెలుగు తెలుగులిపిలేదు