Bhimalapuram.co.in
అన్నమాచార్య కీర్తనలు -4670
ఎంత పుణ్యమో నీకు హీనుని రక్షించితివి
రాగము: సామంతం
ఎంత పుణ్యమో నీకు హీనుని రక్షించితివి | |
యింత సేసితివి భాగ్య మేమి చెప్పీ నింకను | ॥పల్లవి॥ |
సరుగ నానోర నీవు సంకీర్తన విన్నపుడే | |
ఆరసి మోక్ష మిత్తువని నే నమ్మితి | |
పరుల బంటుఁగా జేయక యప్పటి నన్నేలి నపుడే | |
నరకమందుఁ బెట్టవు నమ్మితి నేను | ॥ఎంత॥ |
కిమ్ముల నిఁక విన నీ కీర్తి గట్టినపుడె | |
నెమ్మి రక్షింతు వనుచు నే నమ్మితి | |
పమ్మి నా మదిలో నీ రూపము చూసినపుడే | |
క్రమ్మరఁ బుట్ట ననుచు గక్కన నే నమ్మితి | ॥ఎంత॥ |
యిట్టె యోగక్షేమము వహించుకొని యున్నపుడె | |
నెట్టుకొనె నీ కృపని నే నమ్మితి | |
గట్టి శ్రీవేంకటేశ లోకదృష్టాంతమైనపుడే | |
వొట్టి సకలకర్మము లూడె నని నమ్మితి | ॥ఎంత॥ |
కీర్తన విభాగము ఆంగ్లము తెలుగు తెలుగులిపిలేదు