Bhimalapuram.co.in
అన్నమాచార్య కీర్తనలు -4839
ఎంత వేడుకో నీకు నింతి సేసే సేవలు
రాగము: హిందోళం
ఎంత వేడుకో నీకు నింతి సేసే సేవలు | |
చెంతనుండి చూచేమాకు సిబ్బితయ్యీ నిపుడు | ॥పల్లవి॥ |
కొప్పులోని మొగలి రేకులతావి దొలఁకగాను | |
చెప్పీ నేకతమునీకు చెవిలోనికే | |
చిప్పిలుఁజెమటలెల్లా చేతుల జొబ్బలఁగాను | |
అప్పుడే పాదములొత్తీ నంగ మల్లాఁ దడియ | ॥ఎంత॥ |
చెక్కులజవ్వాది నీముఁజేతులపైన వడియఁగా | |
మొక్కి నీవు చెనకఁగా మోహాన నీకె | |
పుక్కిటితమ్ములము గొబ్బున నీమైఁ జెదరఁగా | |
మిక్కిలి నవ్వీఁ గుంచమే కొని విసరుచు | ॥ఎంత॥ |
గుబ్బల నలఁగిన కుంకుమ నీమై నంటఁగా | |
వుబ్బునఁ గాఁగిట నించి వొరసీ నీకె | |
అబ్బురాన నన్నేలితి వన్నిటా శ్రీవేంకటేశ | |
నిబ్బరానఁ దానూఁ జేసీ నీకు నూడిగములు | ॥ఎంత॥ |
కీర్తన విభాగము ఆంగ్లము తెలుగు తెలుగులిపిలేదు