Bhimalapuram.co.in
అన్నమాచార్య కీర్తనలు -4928
ఎందాఁక నేచిత్త మేతలఁపో
రాగము: శ్రీరాగం
ఎందాఁక నేచిత్త మేతలఁపో | |
ముందుముందు వేసారితి ములిగి వేసారితి | ॥పల్లవి॥ |
ఏమిసేతు నేడచొత్తు నేమని బోధింతును | |
నామాఁట విన దిదే నావిహరము | |
యేమరినాఁ దలఁపించీ నేమైనా గడించీ | |
సాముసేసి వేసారితి జడిసి వేసారితితి | ॥ఎందా॥ |
యేడ చుట్టా లేడ బంధు లేడ పొందు లెవ్వరూ | |
తోడైనవారుఁ గారు దొంగలుఁ గారు | |
కూడుచీరగానిచోటై కొరగానిపాటై | |
వాడివాడి వేసారితి వదిలి వేసారతి | ॥ఎందా॥ |
యెందునున్నాఁ డేమిసేసీ నెక్కడ భోగించీని | |
విందులకువిందయినవేంకటేశుఁడు | |
యిందరిహృదయములో నిరవై యున్నాఁ డతఁడు | |
చెంది నన్నుఁ గాచుఁగాక చెనకి వేసారితి | ॥ఎందా॥ |
కీర్తన విభాగము ఆంగ్లము తెలుగు తెలుగులిపిలేదు