Bhimalapuram.co.in
అన్నమాచార్య కీర్తనలు -6515
కడుగోల యీ చెలి కరుణించు మిఁక నీవు
రాగము: దేశాక్షి
కడుగోల యీ చెలి కరుణించు మిఁక నీవు | |
అడియాలపు నవ్వులే అచ్చివచ్చు మీకును | ॥పల్లవి॥ |
వింత సేయవద్దుగాని వేడుకతో నాఁటదాని | |
నెంత సోఁకఁ బలికినా ఇతవే కాదా | |
ఇంతటివాఁడవు నీవు ఇంటికి వచ్చితేఁ జాలు | |
దొంతి నున్న వలపులే తోడయ్యీ మీకును | ॥కడు॥ |
సిగ్గు వడవద్దుగాని సేసకు లోనైనదాని | |
అగ్గల మెంత నవ్వినా అరుదే కాదా | |
కగ్గులేని చట్టమవు కాయము ముట్టితేఁ జాలు | |
వొగ్గి తమకములే మేలొనరించీ మీకును | ॥కడు॥ |
మఱవఁగవద్దు గాని మనసువచ్చినదాని | |
తఱి నెంతఁ గూడినాను తగవే కాదా | |
యెఱిఁగి శ్రీ వేంకటేశ యేలితివి మా చెలిని | |
జఱసి జాణతనాలే చవి చూపె మీకును | ॥కడు॥ |
కీర్తన విభాగము ఆంగ్లము తెలుగు తెలుగులిపిలేదు