Bhimalapuram.co.in
అన్నమాచార్య కీర్తనలు -6539
కడుఁ జుట్టమవు నీవు కా వంటినా
రాగము: లలిత
కడుఁ జుట్టమవు నీవు కా వంటినా | |
యెడయక నన్ను నిట్టె యేలుమంటిఁగాక | ॥పల్లవి॥ |
చెక్కునొక్కి నీవు నాచేయిమీఁదఁ జేయివేసి | |
తక్కక నవ్వు నవ్వు నవ్వఁగాఁ దగదంటినా | |
వొక్కతెపైఁబెట్టి మాట వొక్కొక్కటె తడవఁగా | |
వక్కణించ నంతేసి వద్దంటిఁగాక | ॥కడుఁ॥ |
యేపున నావద్దనుండి ఇంతకలసిమెలసి | |
కాఁపురము సేయఁగాను కాదంటినా | |
చూపి మోపి యాడోవారిసొమ్ములు మేనఁబెట్టుక | |
రాఁపులు సేయఁగా నందు కోపనంటిఁగాక | ॥కడు॥ |
చన్నులురమున రాయ సారెఁ గాఁగిలించుకొని | |
యెన్నిచేఁతలు సేసినా నేఁటికంటినా | |
అన్నిటా శ్రీవేంకటేశ అలమేల్మంగనే నేను | |
మన్నించి కూడితి విది మాననంటిఁగాక | ॥కడు॥ |
కీర్తన విభాగము ఆంగ్లము తెలుగు తెలుగులిపిలేదు