Bhimalapuram.co.in
అన్నమాచార్య కీర్తనలు -6741
కల్లలాడకుమీ మాటా కద్దో లేదో
రాగము: సావేరి
కల్లలాడకుమీ మాటా కద్దో లేదో | |
యెల్లవారిలో మా దిక్కు యేమి చూచేవయ్యా | ॥పల్లవి॥ |
సలిగె గద్దంటానాపె సారె నిన్నుఁ దిట్టెఁగాక | |
అలసి సొలసినా నే మంత సేసేమా | |
నెలకొని నీమన్ననే నీకుఁ బైకొని వచ్చె | |
యెలమిఁ దప్పక మమ్ము యేమి చూచేవయ్యా | ॥కల్ల॥ |
బాసగొంటినంటా నాపె బలుములు చూపెఁగాక | |
వేసరించినా నీతో వెగ్గళించేమా | |
ఆసల నీతమకమే అంతఱట్టుగాఁజేసె | |
యేసచూపులను మమ్మునేమి చూచేవయ్యా | ॥కల్ల॥ |
పట్టుపుదేవులనంటా భామ నిన్నుఁ గూడెఁగాక | |
యెట్టు నీవు గూడినాను ఇదేలనేమా | |
గుట్టున శ్రీ వేంకటాద్రి గోవిందుఁడ మమ్మేలితిఁ | |
విట్టె నవ్వుతా మమ్మునేమి చూచేవయ్యా | ॥కల్ల॥ |
కీర్తన విభాగము ఆంగ్లము తెలుగు తెలుగులిపిలేదు