Bhimalapuram.co.in
అన్నమాచార్య కీర్తనలు -6782
కాదన్నవారికి వారికర్మమే సాక్షి
రాగము: దేసాళం
కాదన్నవారికి వారికర్మమే సాక్షి | |
యేదెస చూచిన మాకు నీతఁడే సాక్షి | ॥పల్లవి॥ |
వేదాలు సత్యమౌటకు విష్ణుఁడు మత్స్యరూపమై | |
ఆదటఁ దెచ్చి నిలిపెనది సాక్షి | |
ఆదిఁ గర్మములు సత్యమౌటకు బ్రహ్మాయఁగాన | |
పోదితో నీతఁడు యజ్ఞ భోక్తౌటే సాక్షి | ॥కాద॥ |
అదె బ్రహ్మము సాకారమౌటకు పురుషసూక్తఁ | |
మెదుట విశ్వరూపము యిది సాక్షి | |
మొదలనుండి ప్రపంచమును తథ్యమగుటకు | |
పొదిగొన్న యాగములే భువిలో సాక్షి | ॥కాద॥ |
బెరసి జీవేశ్వరుల భేదము గలుగుటకు | |
పొరి బ్రహ్మాదుల హరిపూజలే సాక్షి | |
యిరవై దాస్యాన మోక్షమిచ్చు నీతఁడనుటకు | |
వరమిచ్చే శ్రీవేంకటేశ్వరుఁడే సాక్షి | ॥కాద॥ |
కీర్తన విభాగము ఆంగ్లము తెలుగు తెలుగులిపిలేదు