Bhimalapuram.co.in
అన్నమాచార్య కీర్తనలు -6864
కానీవే తన వేసాలు కనుఁగొంటిఁ గా
రాగము: శంకరాభరణం
కానీవే తన వేసాలు కనుఁగొంటిఁ గా | |
వీనులకు యీ సుద్దులు వెరగాయఁగా | ॥పల్లవి॥ |
చెప్పరే చెప్పరే వీనిచేఁతలు నాకు | |
అప్పుడే యాపెతో మాట లాడి వచ్చెవా | |
ముప్పిరి నా కిఁక నేఁటి మొకమోటమే | |
తప్పని బొంకనివాఁడు తా నెందు వోయీనే | ॥కానీవే॥ |
యెంత కెంత వీనిసుద్దు లేల దాఁచేరే | |
దొంతిగా నాపెను వెంటఁ దోడి తెచ్చెనా | |
పంతపుమోనము లిఁకఁ బనికి రావె | |
సంతసమే చేసేఁ గాక జగడించేనా | ॥కానీవే॥ |
యే మంటి రే మంటిరే యెఱఁగ నేను | |
చే మట్టి యాపెను నాచేతి కిచ్చెనా | |
కామించి శ్రీవెంకటాద్రికడపరాయఁడు నన్ను | |
గోమునఁ గూడె నిదియుఁ గొంత వలెనా | ॥కానీవే॥ |
కీర్తన విభాగము ఆంగ్లము తెలుగు తెలుగులిపిలేదు