Bhimalapuram.co.in
అన్నమాచార్య కీర్తనలు -6869
కానీవే యెందు పొయ్యేము కందము తననేమము
రాగము: పాడి
కానీవే యెందు పొయ్యేము కందము తననేమము | |
తానే పంతములు పాఁతరఁ బెట్టకుండీనా | ॥పల్లవి॥ |
పిలిచితే రాఁ డట్టే బిగిసీ నీపాటి వాఁడు | |
చెలఁగి మనసు రాయి సేయకుండీనా | |
సెలవుల నగినాను చేరి అది యేలనఁడు | |
తెలిసి వూవుటమ్ములు తెగఁ గోయకుండీనా | ॥కానీ॥ |
కానుకిచ్చితే నొల్లఁడు కపటమంత గలితే | |
దీనకాన వలపు ముద్రించకుండీనా | |
వీనులలర నే విన్నవించినాను వూఁకొనఁడు | |
మానినుల జవ్వనాలు మాన్పకుండీనా | ॥కానీ॥ |
కదిసితేఁ బైకొనఁడు కాఁకలింత సేసేవాఁడు | |
కదలించి మరు నుట్టిఁగట్టకుండీనా | |
ఇదివో శ్రీవేంకటేశుఁ డెనసితే మన్నించె | |
పెదవితేనె చక్కెరబిల్ల సేయకుండీనా | ॥కానీ॥ |
కీర్తన విభాగము ఆంగ్లము తెలుగు తెలుగులిపిలేదు