Bhimalapuram.co.in
అన్నమాచార్య కీర్తనలు -6980
కాంతుఁడు మరుని యాజ్ఞ కడవలేఁ డింతే కాక
రాగము: దేసాళం
కాంతుఁడు మరుని యాజ్ఞ కడవలేఁ డింతే కాక | |
కొంతైన నెరఁగఁడా కోన చెన్నరాయఁడు | ॥పల్లవి॥ |
వలపు నిలుప లేక వనితకు మొక్కెఁ గాక | |
సొలప వాఁ డటువంటి సుద్దులవాఁడా | |
చెలిమి విడువ లేక చెయివూఁత యిచ్చెఁ గాక | |
కొలమున నేమి తక్కువవాఁడా | ॥కాంతుఁడు॥ |
ఆసలు మానఁగ లేక ఆకు మడి చిచ్చెఁ గాక | |
వేసాల వాఁ డటువంటి విద్యలవాఁడా | |
బాసలు దప్పఁగ లేక బడినె తిరిగెఁ గాక | |
యీసున దొరతనము లెఱఁగనివాఁడా | ॥కాంతుఁడు॥ |
పొందు విడువఁగ లేక పొత్తున భుజించెఁ గాక | |
అందగాఁ డాతఁ డెంగి లంటేవాఁడా | |
అంది శ్రీవెంకటనాథు డాపెఁ గూడితే నేమి | |
చందముగా నాతోడి సమరతి మానేనా. | ॥కాంతుఁడు॥ |
కీర్తన విభాగము ఆంగ్లము తెలుగు తెలుగులిపిలేదు