Bhimalapuram.co.in
అన్నమాచార్య కీర్తనలు -7171
కోటిమన్మథాకార గోవింద కృష్ణ
రాగము: పాడి
కోటిమన్మథాకార గోవింద కృష్ణ | |
పాటించి నీమహిమలే పరబ్రహ్మమాయ | ॥పల్లవి॥ |
ఆకాశమువంటిమేను నమరేమూర్తివి గాన | |
ఆకాశనదియె నీకు నభిషేకము | |
మేకొని నీవే నిండుమేఘవర్ణు డవు గాన | |
నీకు మేఘపుష్పాలే పన్నీరుకాపు | ॥కోటి॥ |
చంద్రుఁడు నీమనసులో జనియించె నటుగాన | |
చంద్రికలు కప్రకాపై సరి నిండెను | |
యింద్రనీలపుగనులు యిలధరుఁడవు గాన | |
తంద్ర లేక యాపె చూపే తట్టుపుణుఁ గాయను | ॥కోటి॥ |
లక్ష్మీపతివి గాన లాగుల నీ వురముపై | |
లక్ష్మి యలమేలుమంగే లలి నీతాళి | |
సూక్ష్మమై శ్రీవేంకటేశ చుక్కలపొడవు గాఁగ | |
పక్ష్మనక్షత్రములే యాభరణహరములు | ॥కోటి॥ |
కీర్తన విభాగము ఆంగ్లము తెలుగు తెలుగులిపిలేదు