Bhimalapuram.co.in
అన్నమాచార్య కీర్తనలు -7237
కంటినంటే పలుమారు గరిసించేవు
రాగము: ద్రావిళభైరవి
కంటినంటే పలుమారు గరిసించేవు | |
వొంటినున్నవారి నంత వొరయఁగ వచ్చునా | ॥పల్లవి॥ |
వొప్పుగా నెవ్వతెనో కూడుంటివని యంటేను | |
అప్పటి నీవేడనుంటి వనెడిగేవు | |
అప్పటిమాటలు వింటినంటేఁ జెప్పుమాయనేవు | |
చెప్పరాని సుద్దులవి చెప్పవచ్చునా | ॥కంటి॥ |
నలిరేఁగి పకపక నవ్వితిరిగా యంటేను | |
అలరి యెట్టుదెలిసె ననెడిగేవు | |
చెలఁగి మీచేఁతలు చూచితినంటే నడిగేవు | |
సొలసి మర్మములవి చూపవచ్చునా | ॥కంటి॥ |
శ్రీవేంకటేశుఁడ కలిసితివిగా యనెంటేను | |
ఆవిధాన నన్నుఁ గూడి అదెడిగేవు | |
చేవదేర రతులు మెచ్చితినంటేఁ గొసరేవు | |
ఆవేళ సుద్దులవి యీవేళ వచ్చునా | ॥కంటి॥ |
కీర్తన విభాగము ఆంగ్లము తెలుగు తెలుగులిపిలేదు