Bhimalapuram.co.in
అన్నమాచార్య కీర్తనలు -7271
కంటిమి నేఁ డీకొత్తలు కన్నుల పండుగలాయ
రాగము: రామక్రియ
కంటిమి నేఁ డీకొత్తలు కన్నుల పండుగలాయ | |
జంటలైన మీలోని జాణతనా లెట్టివో | ॥పల్లవి॥ |
కోమలపు నీకాంత గుబ్బలపై మెఱుఁగులు | |
మోమున నీకు గళలై ముంచుకొన్నవి | |
యేమి సూత్రమోకాని ఇందుకునందుకు నేఁడు | |
తామర మొగ్గల సొంపద్దముపై నిలిచెను | ॥కంటి॥ |
కడు మంచి జవరాల కనుగవతేటలు నడుమ | |
నడుమ మోవిమీఁద నవ్వులాయను | |
యెడయక యీరెంటికి నేమిగారణమోకాని | |
అడరి కలువలనిగ్గంటెఁ జిగురులను | ॥కంటి॥ |
అలమేలుమంగ నీయండఁ బాయకుండితేను | |
నెలవై శ్రీవేంకటేశ నీవు గూడితి | |
యెలిమి నాపై నీకు నెన్నటి పొందోకాని | |
కలసి మెఱుఁగుదీవె కల్పకముఁజెందెను | ॥కంటి॥ |
కీర్తన విభాగము ఆంగ్లము తెలుగు తెలుగులిపిలేదు