Bhimalapuram.co.in
అన్నమాచార్య కీర్తనలు -7407
గుట్టుతోడి నీవు నన్ను గొరబుసేయకువయ్య
రాగము: పాడి
గుట్టుతోడి నీవు నన్ను గొరబుసేయకువయ్య | |
వుట్టిపడి నాతో నవ్వనోపుదువా | ॥పల్లవి॥ |
ఆయములు సోఁక నీతో నాడుకొనఁజాలఁగాక | |
పాయపునీయాలఁగానా పరాకేఁటికి | |
చేయిచాఁచ కిటు నీతో సిగ్గువడి వుందానగా- | |
కోయినీవు నాతో సంతకోపుదువా | ॥గుట్టు॥ |
కన్నుల జంకించి నిన్ను కక్కసించఁజాలఁగాక | |
మన్నించేదానఁగాన మాయలేఁటికి | |
చన్నుల నే నొత్తి నీతో సరసములాడఁగాక | |
వున్నపనుల కంతేసి కోపుదువా | ॥గుట్టు॥ |
తేనెగారేమోవి ఇచ్చి తిట్టు దిట్టఁజాలఁగాక | |
మేనదానఁగాన నాతో మేకులేఁటికి | |
యీనెపాన శ్రీవేంకటేశ నన్నుఁ గూడితివి | |
పూనిననారతులకు వోపుదువా | ॥గుట్టు॥ |
కీర్తన విభాగము ఆంగ్లము తెలుగు తెలుగులిపిలేదు