Bhimalapuram.co.in
అన్నమాచార్య కీర్తనలు -14432
సడిబెట్టెఁ గటకటా సంసారము చూడ-
రాగము: భైరవి
సడిబెట్టెఁ గటకటా సంసారము చూడ- | |
జడధి లోపలి యీఁత సంసారము | ॥పల్లవి॥ |
జమునోరిలో బ్రదుకు సంసారము చూడ | |
చమురు దీసిన దివ్వె సంసారము | |
సమయించుఁ బెనుదెవులు సంసారము చూడ | |
సమరంబులో నునికి సంసారము | ॥సడి॥ |
సందిగట్టినతాడు సంసారము చూడ | |
సందికంతలతోవ సంసారము | |
చుందురునిజీవనము సంసారము చూడ | |
చంద మేవలెనుండు సంసారము | ॥సడి॥ |
చలువలోపలివేఁడి సంసారము చూడ | |
జలపూఁతబంగారు సంసారము | |
యిలలోనఁ దిరువేంకటేశ నీదాసులకు | |
చలువలకుఁ గడుఁజలువ సంసారము | ॥సడి॥ |
కీర్తన విభాగము ఆంగ్లము తెలుగు తెలుగులిపిలేదు