Bhimalapuram.co.in
అన్నమాచార్య కీర్తనలు -14496
సరికి బేసికి మీ చదురుఁదనాలు మించె
రాగము: వరాళి
సరికి బేసికి మీ చదురుఁదనాలు మించె | |
ఇరుగుపొరుగులను యిద్దరును జాణలే | ॥పల్లవి॥ |
కలువల వేసితేను కమలాన వేసెనాపె | |
మలసి యెడమాటలు మఱియేఁటికి | |
పలువరుస చూపితే తలయెత్తి నిక్కెనాపె | |
యెలమిఁ దెలుసుకొంటిరిద్దరూను జాణలే | ॥సరికి॥ |
పరగ చేత మొక్కితే పాపట దువ్వెనాపె | |
అరసి లేకలు వా సి అంపనేఁటికి | |
పొరిఁ గస్తూరి చల్లితే పొంచి కుంకుమాపె చల్లె | |
యిరవు దెలుసుకొంటిరిద్దరూను జాణలే | ॥సరికి॥ |
పచ్చడము గప్పుకుంటే పయ్యెద దెఱచెనాపె | |
ఇచ్చట సన్నలుసేయనిఁకనేఁటికి | |
మెచ్చితే శ్రీ వేంకటేశ మెయిలచ్చన చూపెనాపె | |
యెచ్చి లోలోనే కూడితిరిద్దరూను జాణలే | ॥సరికి॥ |
కీర్తన విభాగము ఆంగ్లము తెలుగు తెలుగులిపిలేదు