Bhimalapuram.co.in
అన్నమాచార్య కీర్తనలు -3244
కర్త :: తాళ్లపాక అన్నమాచార్య
రాగము: దేశాక్షి
ఈతఁడు పంతము నీకు నిచ్చీఁగాని | |
యీతల నాతోనైన నెచ్చరించరాదా | ॥పల్లవి॥ |
హత్తుకువుండియు నీకు నలుక లంతేసి యేల | |
చిత్తములోపలిమాట చెప్పరాదా | |
బత్తిగలదానవు పట్టినమోనములేల | |
తత్తిరించక కలట్టె తారుకాణించరాదా | ॥॥ |
పూఁతసిగ్గుతో నగవు పొదిగిపట్ట నేఁటికి | |
చేఁతలెల్లా వెల్లవిరి సేయరాదా | |
పూఁతచెక్కుచేతులతో నుమ్మగిల నేమిటికి | |
పాఁతసుద్దులెల్లా బట్టబాయిట వేయరాదా | ॥॥ |
వుదుటుబీరముతోడ నోరచూపు లేమిటికి | |
పదరి మేగురుతు చూపఁగరాదా | |
యెదుట శ్రీవేంకటేశ యెనసితి రిద్దరును | |
ముదముతో నన్నీటికి మొక్కఁగరాదా | ॥॥ |
కీర్తన విభాగము ఆంగ్లము తెలుగు తెలుగులిపిలేదు