Bhimalapuram.co.in
అన్నమాచార్య కీర్తనలు -3608
ఎక్కువైన దొర దాను యిల్లాల నేను
రాగము: శంకరాభరణం
ఎక్కువైన దొర దాను యిల్లాల నేను | |
వొక్కటి గమ్మనీఁ దాను వోయమ్మ వెరతునే | ॥పల్లవి॥ |
మొక్కితి నేఁ జేతులెత్తి మోనాన నుండితిని | |
చిక్కుదేరె నింక నేమి సేయుమనీనే | |
పక్కన నవ్వితి నే నప్పటిఁ దలవంచుకొంటి | |
యొక్కవతక్కువ లింక నిందులోన నేలే | ॥ఎక్కు॥ |
దగ్గరి విడెమిచ్చితి దవ్వులనే నిలుచుంటి | |
సిగ్గువిడిచింక నేమి సేయుమనీనే | |
నిగ్గుల నిక్కి చూచితి నే నింటిలోని కేఁగితి | |
వెగ్గల మింతకు నెరవేసా లేలే | ॥ఎక్కు॥ |
పాదము లొత్తితిని పానుపుపైఁ బండితిని | |
సేదదేరె నిఁక నేమి సేయుమనీనే | |
ఆదరించి శ్రీ వేంకటేశుఁ డిటు గూడె | |
వాదులెల్లఁ దీరె నిఁక వంతువాసు లేలే | ॥ఎక్కు॥ |
కీర్తన విభాగము ఆంగ్లము తెలుగు తెలుగులిపిలేదు