Bhimalapuram.co.in
అన్నమాచార్య కీర్తనలు -4215
ఎఱఁగ ననకుండా నీ కెఱిఁగించితిమి నేఁడు
రాగము: సామంతం
ఎఱఁగ ననకుండా నీ కెఱిఁగించితిమి నేఁడు | |
తఱవాతి పనులకు తలఁపు నీ కెట్టిదో | ॥పల్లవి॥ |
జక్కవకుచములపై జారెటి పయ్యదతోడ | |
చెక్కుల జారే చెమటచిత్తడితోడ | |
నిక్కి నిక్కి లోలోనె నీ కెదురు చూచుకొంటా | |
అక్కడ నున్నది చెలి ఆనతి నీ దెట్టిదో | ॥ఎఱఁగ॥ |
నిట్టూరుపుగములతో నివ్వెరగుపాటుతోడ | |
అట్టె నిన్నుఁ గూడెటి యాసలతోడ | |
నెట్టనఁ దనపాయము నీకే మీఁ దెత్తుకొంటా | |
యిట్టె వాకిటికి వచ్చె యెన్నికె నీ కెట్టిదో | ॥ఎఱఁగ॥ |
బారపుఁదురుముతోడఁ బవళించే నీపానుపు | |
చేరి యం దున్నది నవ్వునెలవితోడ | |
ఆరయ శ్రీవెంకటేశ అంతలో నేతెంచి యాపె | |
నూరడించి కూడితివి వున్న దిఁక నెట్టిదో | ॥ఎఱఁగ॥ |
కీర్తన విభాగము ఆంగ్లము తెలుగు తెలుగులిపిలేదు