Bhimalapuram.co.in
అన్నమాచార్య కీర్తనలు -4246
ఎఱఁగ మెన్నఁడు నేము ఇటువంటివి
రాగము: నాగవరాళి
ఎఱఁగ మెన్నఁడు నేము ఇటువంటివి | |
జరపు నివెల్లాఁ జూచి సంతోసము లాయను | ॥పల్లవి॥ |
చెనకి యొకతె నిన్నుఁ జెయి వట్టి తియ్యఁగాను | |
ననచి యొకతెకు సన్నలు సేసేవు | |
వనిత జాణతనమో వడి నీజాణతనమో | |
అనుమానమెల్లాఁ దీర నానతీవయ్యా | ॥ఎఱ॥ |
యిచ్చలఁ దొల్లిటి యాపె యిటు నీతో మాటాడఁగా | |
మచ్చిక నవ్వనియాపె మర్మా లంటేవు | |
నెచ్చెలివలపుజాడో నీవలపుజాడో యిది | |
అచ్చలాన నాతో నీవు ఆనతీవయ్యా | ॥ఎఱ॥ |
చేరి పెండ్లికూఁతురు సేసలు వెట్టఁగాను | |
సారెఁ జేతు లిద్దరిపైఁ జాచ వచ్చేవు | |
యీరీతి శ్రీవేంకటేశ యేలితివి నన్ను నేఁడు | |
ఆరసి నేఁ జేసేపను లానతీవయ్యా | ॥ఎఱ॥ |
కీర్తన విభాగము ఆంగ్లము తెలుగు తెలుగులిపిలేదు