Bhimalapuram.co.in
అన్నమాచార్య కీర్తనలు -4606
ఎంత నాకుఁ జనవిచ్చి యియ్యకొనీనే తాను
రాగము: ముఖారి
ఎంత నాకుఁ జనవిచ్చి యియ్యకొనీనే తాను | |
మంతనాన యిట్టె నన్ను మన్నించీఁ గాక | ॥పల్లవి॥ |
మనసులు సోదించి మాఁటలాడేదాననా | |
తనయిచ్చలో మెలఁగేదానఁ గాక | |
కొనచూపులనుఁ జూచి కొసరేలిదాననా | |
వినయాన వేఁడుకొని వెలసేదానఁ గాక | ॥ఎంత॥ |
నాలిఁ బెట్టి తనతో నే నవ్వేటిదాననా | |
తాలిమితో సేవ సేసేదానఁ గాక | |
చాలుకొని బొమ్మలను జంకించేటిదాననా | |
మేలుమీఁదిదాననై మెచ్చేటిదానఁ గాక | ॥ఎంత॥ |
యిమ్ములఁ దనకు విడె మిచ్చేటిదాననా | |
తమ్ములము తన్నడిగేదానఁ గాక | |
నెమ్మది శ్రీవేంకటాద్రినిలయుఁడు నన్నుఁ గూడె | |
చిమ్మిరేఁచేదాననా చేతిలోదానఁ గాక | ॥ఎంత॥ |
కీర్తన విభాగము ఆంగ్లము తెలుగు తెలుగులిపిలేదు