Bhimalapuram.co.in
అన్నమాచార్య కీర్తనలు -4746
ఎంతలేదన్నా నవి ఏల మానీని
రాగము: నాదరామక్రియ
ఎంతలేదన్నా నవి ఏల మానీని | |
చెంతల నీ వేడుకలు చెల్లింతువుగాక | ॥పల్లవి॥ |
పఱపుపై నీకు నాపె పాదములు గుద్దఁగాను | |
తఱితోడి వలపులు దైవారవా | |
నెఱి సురటి విసరి నిన్ను నిట్టె చూడఁగాను | |
గుఱిలేనికోరికలు గుబ్బతిలవా | ॥ఎంత॥ |
వేసరక సారెసారె విడెము నీ కియ్యఁగాను | |
ఆసలు నీమతిలోన నల్లుకొనవా | |
రాసికెక్క నీతో సరసములెల్లా నాడఁగా | |
పోసరించి తమకము పారిఁ బిక్కటిల్లదా | ॥ఎంత॥ |
పాయక యేపొద్దు నాపె పక్కనే పండుండఁగాను | |
ఆయాలంటి పరవశమందదా మేను | |
యీయెడ శ్రీవేంటేశ యేలితివి నన్ను నేఁడు | |
చాయల నీజవ్వనము సఫలము గాదా | ॥ఎంత॥ |
కీర్తన విభాగము ఆంగ్లము తెలుగు తెలుగులిపిలేదు