Bhimalapuram.co.in
అన్నమాచార్య కీర్తనలు -4916
ఎందరులేరు నీకు నేనేమి బాఁతెయ్యా
రాగము: హిందోళం
ఎందరులేరు నీకు నేనేమి బాఁతెయ్యా | |
అంది నాపైఁ జెయివేసేవు అట్టె కానీవయ్యా | ॥పల్లవి॥ |
అలిగి నేరాఁగానే అట్టె నావెంట విచ్చేసి | |
యెలమిఁ బైకొనేవు నేనేమి బాఁతెయ్యా | |
పలుకకుండఁగ నన్నుఁ బచరించి పచరించి | |
యెలుఁగిచ్చి మాటాడేవెంత సేసేవయ్యా | ॥ఎందరు॥ |
ముసుఁగు వెట్టుకుండఁగ ముచ్చటతోఁ గొంగుదీసి | |
యిసుమంత నవ్వేవు నేనేమి బాఁతెయ్యా | |
విసుగుచునున్న నన్ను వేఁడుకొని నీవు నాకే | |
వసమై పాయవు ఇంతవలెనా నాకయ్యా | ॥ఎందరు॥ |
ఆదననేఁ బండుండఁగ నండ నీవూఁ బవళించి | |
యిదె కాఁగిలించేవు నేనేమి బాఁతెయ్యా | |
వుదుటు శ్రీవేంకటేశ వొగినలమేలుమంగఁ | |
నిదివో నన్ను గూడితి వెంతవాఁడవయ్యా | ॥ఎందరు॥ |
కీర్తన విభాగము ఆంగ్లము తెలుగు తెలుగులిపిలేదు