Bhimalapuram.co.in
అన్నమాచార్య కీర్తనలు -6570
కనుమూసెఁ గదె దీని గరువంపుఁ దెలివి
రాగము: బౌళి
కనుమూసెఁ గదె దీని గరువంపుఁ దెలివి | |
చనుదోయి పైకొంగు జారిన నెఱుఁగదు | ॥పల్లవి॥ |
తలకెక్కెఁగదె దీని తనువికారములు | |
పొలుపైన నెరులు కొప్పున జారెను | |
చలి ముంచెఁగదె దీని జవ్వనపు మదము | |
పులకజొంపములచేఁ బొరలెక్కె మేను | ॥కను॥ |
వడదాఁకెఁగదె దీని వాల్ గన్నుఁగొనలు | |
చిడుముడి ముచ్చటతో సిగ్గువడీని | |
బడిదప్పెఁ గదె దీని పలుకుఁదేనియలు | |
తడఁబాటుతోడ చిత్తము దాఁచెనిపుడు | ॥కను॥ |
కసరెక్కెఁగదె దీని కస్తూరి చెమట | |
అసలుఁ గుంకుమ తోడ నలరీని మేన | |
ఉసురెక్కెఁగదె దీని యొరుపు నూరుపుల | |
పొసఁగి వేంకటపతి పొందు దెలిపెడిని | ॥కను॥ |
కీర్తన విభాగము ఆంగ్లము తెలుగు తెలుగులిపిలేదు