Bhimalapuram.co.in
అన్నమాచార్య కీర్తనలు -7027
కూరుములూఁ గొసరేవు గుంపెనలూఁ జూపేవు
రాగము: నాదరామక్రియ
కూరుములూఁ గొసరేవు గుంపెనలూఁ జూపేవు | |
ఆరితేరినదానవు ఆయా లంట రాదా | ॥పల్లవి॥ |
చనవుగలదానవు సణఁగులు రాల్చనేలే | |
చెనకరాదా విభునిఁ జేతులారాను | |
వినయపు దానవు వెంగెము లాడనేలే | |
తనివారఁబదివేలు దండాలు వెట్టరాదా | ॥కూరు॥ |
మచ్చికైనదానవు మనసు సోదించనేలే | |
పచ్చిదేరఁ గూడరాదా పలుమారును | |
యిచ్చ యెరిఁగినదాన వింపు లడుగనేలే | |
తచ్చి తచ్చి రతులలో తని వందించరాదా | ॥కూరు॥ |
ఇతవరిదానవు ఇంత సిగ్గు వడనేలే | |
తతి విడె మియ్యరాదా తత్తరానను | |
చతురత శ్రీవేంకటేశ్వరుఁడిట్టె నన్నుఁగూడె | |
కతలుగా నీ వతనిఁగలయఁగరాదా | ॥కూరు॥ |
కీర్తన విభాగము ఆంగ్లము తెలుగు తెలుగులిపిలేదు