Bhimalapuram.co.in
అన్నమాచార్య కీర్తనలు -8654
తక్కినవారికెల్లాఁ దరితీపు లందురు
రాగము: సాళంగనాట
తక్కినవారికెల్లాఁ దరితీపు లందురు | |
మిక్కుటపు సరసము మీలో నమరును | ॥పల్లవి॥ |
తగునమ్మ యిన్నిటాను తరుణి నీకాతనికి | |
నగవమ్మ యాతనితో ననువునను | |
జిగి మీరొక్కరొకరు సేసినట్టెల్లాఁజెల్లె | |
మిగులా మీవొద్దికలు మీలో నమరును | ॥తక్కి॥ |
కూడెనమ్మ సంసారము కోమలి మీయిద్దరికి | |
చూడవమ్మ అతనిపై సొలపుఁజూపు | |
తోడునీడలవలెను దొరకె మీవయసులు | |
మేడుపుమీరతులివి మీలో నమరును | ॥తక్కి॥ |
పండెనమ్మ వలపులు పడఁతి మీకొర్కులకు | |
వుండవమ్మ యీతనివొద్దనే నీవు | |
అండనే శ్రీవేంకటేశునంకెలే నీయంకెలాయ | |
మెండగుమీకూటములు మీలో నమరును | ॥తక్కి॥ |
కీర్తన విభాగము ఆంగ్లము తెలుగు తెలుగులిపిలేదు