Bhimalapuram.co.in
అన్నమాచార్య కీర్తనలు -8717
తతిఁ దానె దొరయైతే తనంత బదుకుఁ గాక
రాగము: రామక్రియ
తతిఁ దానె దొరయైతే తనంత బదుకుఁ గాక | |
సతులము మమ్మునేల జంకించీనే తాను | ॥పల్లవి॥ |
పాయపువిభుఁడు కొంగు వట్టితే రానై తినంటా | |
చాయల సన్నలఁ దిట్టీ సారెసారెకు | |
మాయంతనే అప్పటిని మాటలాడ మైతిమంటా | |
రాయడించీ నూరకైనా రాజసమా తాను | ॥తతి॥ |
ననిచి తా దగ్గరితే నవ్వనైతి నంటాను | |
కనుఁగొనల గోపించీఁ గడకూఁ దాను | |
మునుపనే తనకు నే మొక్కనైతి నంటాను | |
యెనలేక పగ చాటీ నేతులా తాను | ॥తతి॥ |
చెక్కు నొక్కి కూడఁగాను సిగ్గుతో నే నుంటినంటా | |
మిక్కిలి బుజ్జగించీని మీఁద మీఁదను | |
యిక్కడ శ్రీవేంకటేశుఁ డిచ్చెరిఁగి నన్నుఁ గూడె | |
దక్కితి నంటాఁ బొగడీ తగవా తాను | ॥తతి॥ |
కీర్తన విభాగము ఆంగ్లము తెలుగు తెలుగులిపిలేదు