Bhimalapuram.co.in
అన్నమాచార్య కీర్తనలు -8754
తనకోరిక లేఁటికి నాతఁడె యిన్నియుఁ గల్పించఁగ
రాగము: బౌళి
తనకోరిక లేఁటికి నాతఁడె యిన్నియుఁ గల్పించఁగ | |
అనువుగ నిందుకు యిద్దరి యత్నంబులు వలెనా | ॥పల్లవి॥ |
అద్దముచూచెటియాతఁ డలరుచు నవ్విన నవ్వును | |
అద్దములోపలినీడయు నారీతినె కాదా | |
గద్దరియగు శ్రీవిభుసంకల్పంబుననె జగముల | |
సుద్దులు దుఃఖము సుఖమును సూటిఁబఁడె గానా | ॥తన॥ |
నాఁటక మాడించునతఁడు నయమునఁ గదలింపంగా | |
నాఁటక మందలిబొమ్మలు నానాగతిఁ జెలఁగున్ | |
ఆటలఁ జేతన్యాత్మకుఁడగు దేవుని చేష్టలనె | |
పాటిగఁ బాపముఁ బుణ్యము బహుళం బగుఁగానా | ॥తన॥ |
అరదము నడపెటిసారథి యటునిటు వాగెటు వట్టిన | |
అరదముగుఱ్ఱములు మెలఁగు నాయాముఖములను | |
నరులను శ్రీవెంకటగిరినాథుఁడె తగ బ్రేరింపఁగ | |
గరవము లేమియుఁ గలిమియుఁ గలిగుండుఁ గానా | ॥తన॥ |
కీర్తన విభాగము ఆంగ్లము తెలుగు తెలుగులిపిలేదు