Bhimalapuram.co.in
అన్నమాచార్య కీర్తనలు -8780
తన మేలె చూచుఁగాక తరుణుల యెడలను
రాగము: లలిత
తన మేలె చూచుఁగాక తరుణుల యెడలను | |
యెనలేని మగవాని నే మనఁగవచ్చును | ॥పల్లవి॥ |
మంతనాన నాకె నీవు మాటలాడేచోటికి | |
వింతది రా సిగ్గుగాదా విచారించితే | |
చెంత నీ వి దెరఁగక చెలి నిందుకుఁ బిల్చేవు | |
యెంతై నా మగవాని కెక్కడిది తగవు | ॥తన॥ |
గారవాన నాకె నీవు కాఁగిలించుకుండఁ గాను | |
మారుసతి తోఁగి చూడ గోరము గాదా | |
ఆరీతి వాకిటనుంటే ఆపెఁ దెమ్మనేవు వీడె- | |
మారజపుమగవాఁడు ఆడికెకు లోఁగునా | ॥తన॥ |
శ్రీ వేంకటేశుఁడ ఆకె చెయివట్టి పెండ్లాడఁగా | |
సేవ సేయ నొకతెకు సెగ్గెము గాదా | |
యీవల న న్నేలితివి యీపెఁ నాపె గూడితివి | |
కావరపుమగవాని కత లిట్టే కాదా | ॥తన॥ |
కీర్తన విభాగము ఆంగ్లము తెలుగు తెలుగులిపిలేదు