Bhimalapuram.co.in
అన్నమాచార్య కీర్తనలు -8834
తన్నుఁ బాసి నేనింత దంటనట యీ
రాగము: మంగళకౌశిక
తన్నుఁ బాసి నేనింత దంటనట యీ | |
వెన్నెలబాయిట రేయి వేగుఁటింత చాలదా | ॥పల్లవి॥ |
ఇంటికి రాకుమని నేనంటినట చూడవే | |
అంటఁగాక వున్న దాన నంటినో యేమో | |
కంటికి నిద్దురరాక కాఁకలనే పొద్దువోక | |
వొంటి నేఁ బానుపున రేయుంటి నింత చాలదా | ॥తన్ను॥ |
అప్పటి దగ్గరి నే రానై తినట చూడవే | |
కొప్పు జారి సిగ్గుతోడఁ గొంకితి నేమో | |
చిప్పల రెప్పల జంకించితినట చూడవే | |
చెప్పరాని మాట నీతో జెప్పుటింత చాలదా | ॥తన్ను॥ |
ఊరకే మాటాడక నే నుంటినట చూడవే | |
ఆరడి పరవశాన నైతినో యేమో | |
గోరికొనఁ దనుఁ దక్క గొంటినట చూడవే | |
యేర వేంకటేశ నాతోనింత నీకుఁ జాలదా | ॥తన్ను॥ |
కీర్తన విభాగము ఆంగ్లము తెలుగు తెలుగులిపిలేదు