Bhimalapuram.co.in
అన్నమాచార్య కీర్తనలు -8974
తలఁచుకొమ్మనవె తానే నా గుణములు
రాగము: పాడి
తలఁచుకొమ్మనవె తానే నా గుణములు | |
వెలినేల లోనికిట్టే విచ్చేయు మనవే | ॥పల్లవి॥ |
సముకానఁ దానిచ్చిన చనవులోదానఁ గాని | |
తమకించే కక్కసపుదానఁ గాను | |
రమణిపై వినోదాన రాసికెక్కేదానఁ గాని | |
అమరని వొడ్డారములాడేదానఁ గాను | ॥తలఁచు॥ |
ననుపుతోఁ దానవ్వే నవ్వులలోదానఁగాని | |
తను నలయించే మంకుదానఁ గాను | |
వొనరి వుండ నేర్చిన వూడిగపుదానఁ గాని | |
పెనఁగి పెనఁగి సడిఁబెట్టేదానఁ గాను | ॥తలఁచు॥ |
కలసి యిటులనుండే కాఁగిటిలోదానఁ గాని | |
తలుపుమాటున నుండేదానఁ గాను | |
యెలమి శ్రీవేంకటేశుఁడేలె నన్ను నింతలోనే | |
కలిమిలోదానఁ గాని కడదానఁ గాను | ॥తలఁచు॥ |
కీర్తన విభాగము ఆంగ్లము తెలుగు తెలుగులిపిలేదు